तीज - नेपाली महिलाहरुको महान पर्व

तीज नेपाली महिलाहरुको महान पर्व हो . यो पर्वमा उक्त दिन देवादिदेव महादेवको पूजा गरेर दिन भरी केही नखाई ब्रत बस्छन . साँझ परेपछि अबिवाहित नारीहरूले भगवानलाई सम्झेर तथा बिवाहित नारीहरूले आफ्नो श्रीमानको गोडा धोयेर पानी खान्छन र सक्नेले केही खादैनन, नसक्नेले फलफूल कांडा पानी (पानीमा मिस्री वा चीनी र घीउ हालेर बेस्सरी उमलेर बनाउने पेय) पिउछन .बिवाहित नारीहरूले आफ्नो श्रीमानको दीर्घ जीवन र जीवनमा शुख सम्ब्रिद्दी होस भनेर ब्रत बस्छन,  त्यस्तै अबिवाहित नारी (महिलाहरु) सर्वगुण सम्पन्न राम्रो श्रीमान पाऊ,  र जीवनमा शुख सम्ब्रिद्दी होस भनेर ब्रत बस्छन . 

तीजको अघिल्लो दिन बिभिन्न परिकर फलफूल मिठाईहरू दरको रुपमा परंपरा देखि खाने चलन छ . यसरी दर खांदा प्राय: नातागोता तथा आफन्तहरु एकै ठाउमा भेला भएर खाने चलन रहेको छ . तर हिजोआज यस्तो दर खाने कार्य र तीज पर्व, तीजको महिना दिन अगाड़ी देखि एक आपस मिलेर बिभिन्न कार्यक्रम आयोजन गरी मनाउने चलन चल्दै छ . यो प्रब्रित्तीलाई कोही राम्रो भन्छन भने कोही तीज जस्तो महान पर्वमा बिकृति भित्रियो भन्छन . जे भये पनि दुवै पक्ष आ आफ्नो बिचारमा अडिग छन र अगाड़ी बडदै छन . 

तीज पर्वको उपलक्ष्यमा क्यासिनो रोयलका महिला कर्मचारीहरूले आयोजन गरेको कार्यक्रममा त्यही प्रतिष्ठानमा कार्यरत एकल महिला (बिधुवा नारी ) लाई रातो दोसल्ला ओडायर, सौभाग्यको स्वरुप रातो चुरा, धागों र पोते प्रदान गरिएको थियो . यस सम्बन्धी विडियो क्लिप्सका साथै तीज पर्वको उपलक्ष्यमा क्यासिनो रोयलमा महिला कर्मचारीहरूले आयोजन गरेको "तीज नाच गान कार्यक्रम" सम्बन्धी विडियो क्लिप्स राखेको छ, अवश्य हेर्नुहोला र आफ्नो बिचार पानी उल्लेख गर्नु होला .