अग्नि एयरको ट्वीनअटर विमान दुर्घटना ।

अग्नि एयरको डोनियर क्राफ्ट विमान मकवानपुरको शिखरपुर-२ बस्तीपुरमा आज मंगलबार विहान दुर्घटना हुँदा १५  जनाको मृत्यु भएको छ । मृत्यु हुनेमा चालक जाजरकोटका लक्की भनिने लक्ष्मण विक्रम शाह, सहचालक सोफिया सिंह र परिचारिका सरहा शेर्पा छन् । विमानमा ६ जना विदेशी, ५ जना नेपाली र क्याप्टेन लक्की शाह नेतृत्वमा चालक दलका चार जना सदस्य थिए । यसैगरी आर. रिजाल, पी. हुमागाइँ, पी. भोटे, के. राई र पी. शेर्पाको पनि मृत्यु भएको छ ।


काठमाडौंबाट विहान सात बजेर  पाँच मिनेट जाँदा लुक्लाका लागि उडेको विमान खराब मौसमको कारण अवतरण गर्न नसकेपछि पुनः काठमाडौं फर्कने क्रममा विहान साढे सात बजे दुर्घटना भएको थियो ।

विमान शिखरपुर गाविस-२ बस्तीपुरमा ठाकुर प्राथमिक विद्यालय नजिक जमिनमा सिधै धसिएको स्थानीयबासीले बताएका छन् । घटनास्थलमा शवका टुक्रा यत्रतत्र छरिएको र विमान पूर्णरुपमा क्षतिग्रस्त भएको जानकारी दिनुभयो प्राप्त भएको छ ।

पानी परिरहेकोले स्थानीय खोलामा बाढी आएकोहुदा घटनास्थलमा उद्दार टोली पुग्न कठिनाई भएको छ ।